РЦК “ЦКС Краснапольскага раёна” запрашае да ўдзелу ў III раённым літаратурным конкурсе “Краснапольшчына ў сэрцы маім”.
Літаратурны конкурс “Краснапольшчына ў сэрцы маім” становіцца традыцыйнай культурнай з’явай на Краснапольшчыне. Ён быў ініцыяваны аматарскім паэтычным аб’яднаннем “Світанак” з мэтай захавання і памнажэння культурнай, гістарычнай і літаратурнай спадчыны малой радзімы, выяўлення новых імёнаў аматараў літаратурнай творчасці, удасканалення патрыятычнага выхавання, уздыму духоўнасці, арганізацыі вольнага часу насельніцтва.
Тэматыка твораў конкурсу – краязнаўства, з’явы, якія адбываліся і адбываюцца на ёй, любоў да малой радзімы і неабыякавасць да яе лёсу.
Да ўдзелу ў конкурсе запрашаюцца аўтары любой узроставай катэгорыі. Свае творы ў прозе і вершах на рускай ці беларускай мове аўтары могуць даслаць да 29 верасня ў РЦК па адрасу: г. п. Краснаполле, вул Савецкая, 2, або – kulturakrasn@tut.by.
Сярод крытэрыяў ацэнкі конкурсных работ: раскрыццё тэмы, мастацкі ўзровень твораў, іх арыгінальнасць, захаванне патрабаванняў да жанру.
Пераможцы конкурсу ўзнагароджваюцца дыпломамі 1, 2, 3 ступені і каштоўнымі (грашовымі падарункамі). Узнагароджванне адбудзецца ў час святкавання дня вызвалення Краснапольшчыны ад нямецка-фашысцкіх захопнікаў.
Давайце разам намалюем партрэт нашай малой радзімы – Краснапольшчыны!
В. МАРЧАНКА,
кіраўнік народнага паэтычнага аб’яднання “Світанак”.
